Жил бүрийн дөрөвдүгээр сарын 1-нээс зургадугаар сарын 15-ныг хүртэл буюу загас түрсээ шахах үеэр агнахыг хориглодог. Энэ хугацаанд загасны тоо толгой 20 дахин үрждэг. 

Монгол орны загасны үржил хавар-зун, намар-өвлийн улиралд явагдах бөгөөд ихэнх загасны үржил нь 4 дүгээр сарын дунд үеэс 7-р сарын сүүлч хүртэл үргэлжилдэг. Зарим төрлийн загаснууд 8 сараас 11 сарын дунд үе хүртэл түрсээ шахдаг.

Энэ үеэр загас агнасан тохиолдолд загасны тоо толгой буурах, төрөл зүйл устах, байгалийн тэнцвэрт байдал алдагдах зэрэг сөрөг нөлөөтэй байдаг тул үржлийн үед нь загас агнавал хуулийн дагуу нөхөн төлбөр, торгууль ногдуулна. 

Ингэхдээ нэг сарын хөдөлмөрийн хөлсний доод хэмжээг хоёр дахин нэмэгдүүлсэнтэй тэнцэх хэмжээний мөнгөн торгууль төлөх эсвэл барьсан загасны төрлөөс хамаараад өөр хэмжээний мөнгөн торгууль ногдуулдаг байна.