Байгаль орчин, уур амьсгалын өөрчлөлтийн салбарын “Нээлттэй хаалганы өдөрлөг” Сүхбаатар талбайд болж байна.
Өдөрлөгийн үйл ажиллагаанд Байгаль орчин, уур амьсгалын өөрчлөлтийн яамны харьяа ЗГХА Ойн газар болон хамтрагч байгууллагууд хамтран оролцож, ойн салбарын бодлого, хэрэгжүүлж буй төсөл хөтөлбөрүүдийг танилцуулахын зэрэгцээ тарьц суулгац, ойжуулалт, нөхөн сэргээлт, ойн хортон шавжтай тэмцэх арга технологи, дэвшилтэт тоног төхөөрөмж, боловсрол сургалт, санхүүжилтийн боломжуудын талаар иж бүрэн мэдээлэл, зөвлөгөөг хүргэн ажиллаж байгаа аж.
Иргэдэд дараах үйлчилгээг үзүүлж байна.
- Ойн салбарын бодлого, үйл ажиллагаа, “Тэрбум мод” хөдөлгөөний талаарх мэдээлэл
- Мод тарих, арчлах, зүлэгжүүлэх зөвлөгөө
- Тарьц, суулгацын үзэсгэлэн худалдаа
- Ойн нөхөн сэргээлт, ойжуулалтын аргачлалын танилцуулга
- Ойн хортон, хөнөөлт шавжтай тэмцэх технологийн зөвлөгөө
- Геодезийн хэмжилт, дрон төхөөрөмжийн танилцуулга
- Ойн чиглэлийн их, дээд сургуулийн хөтөлбөр, элсэлт, тэтгэлгийн мэдээлэл
- Төсөл, хөтөлбөр, буцалтгүй санхүүжилтийн боломжууд
- Иргэдийн асуултад хариулах, зөвлөгөө өгөх нээлттэй үйлчилгээ.
Тус “Нээлттэй хаалганы өдөрлөг” энэ сарын 9-ний өдөр хүртэл үргэлжилнэ.
