Улсын Их Хурлын Төсвийн байнгын хорооны өнөөдрийн /2026.10.05/ хуралдаанаар 2026 оны төсвийн тухай хуульд өөрчлөлт оруулах тухай хуулийн төслийг хэлэлцэв. 

Энэ үеэр байнгын асаргаа шаардлагатай 16 хүртэлх насны хөгжлийн бэрхшээлтэй хүүхдэд олгох амьжиргаа дэмжих мөнгөн тэтгэмжийг нэмэгдүүлэх санал гаргалаа.

Одоогоор 478 мянган төгрөг байгаа уг тэтгэмжийг 122 мянган төгрөгөөр нэмэгдүүлж, 600 мянган төгрөгт хүргэхээр санал гаргасан байна.

Уг нэмэгдэлд нийт 17,241 хүүхэд хамрагдах бөгөөд тэтгэмжийг нэмэгдүүлэхэд шаардагдах хөрөнгийг 4.2 тэрбум төгрөгөөр нэмэгдүүлэх санал гаргажээ.

Энэ саналыг хуралдаанд оролцсон гишүүдийн 69.6 хувь нь дэмжсэн байна.