2026 оны есдүгээр сарын 1-ний өдрөөс эмийн зар сурталчилгааны энгийн зөвшөөрөл хүсэгч байгууллагуудын хүсэлтийг “Зөвшөөрлийн цахим систем” буюу licence.mn-ээр хүлээн авч эхэллээ.

Ингэснээр эмийн зар сурталчилгааны энгийн зөвшөөрөл авах хүсэлтийг цаашид E-Mongolia төрийн цахим үйлчилгээний системээр гаргах боломжгүй болж байна.

Иймд эмийн зар сурталчилгааны энгийн зөвшөөрөл хүсэгч байгууллагууд хүсэлтээ licence.mn цахим системээр гаргаж, зөвшөөрөл авах үйл явцыг цахимаар хэрэгжүүлэхийг ЭМЯ-аас анхааруулав.