Улсын хэмжээнд 2024 оны эхний улиралд 14.147 эх амаржиж, 14.244 хүүхэд төрүүлсэн нь өмнөх оны мөн үеэс амаржсан эх 2202 (13.5%)-аар, төрсөн хүүхэд 2208 (13.4%)-аар тус тус буурчээ.
1000 хүнд ногдох төрөлт өмнөх оноос 0.5-аар буурч, нас баралт өмнөх оны мөн үетэй ижил түвшинд байна.
1000 хүнд ногдох төрөлт Улаанбаатар хот болон Баян-Өлгий, Орхон, Ховд, Увс, Дархан-Уулаймагт улсын дунджаас 0.2-1.1-ээр илүү бусад аймагт 0.2-2.3-аар бага байна. Тухайлбал,
1000 хүнд ногдох төрөлт Булган аймагт 1.9 буюу хамгийн бага байна. Энэ нь улсын дунджаас 2.3-аар бага байна.
2024 оны эхний улирлын байдлаар нас баралт 4265 болж өмнөх оны мөн үеэс 88 (2.0%)-аар буурчээ. 1000 хүнд ногдох төрөлт 4.2, нас баралт 1.3, ердийн цэвэр өсөлт 2.9 байна.
1000 хүнд ногдох нас баралт Говьсүмбэр, Говь-Алтай, Орхон аймагт улсын дунджаас 0.1-0.2-оор илүү, бусад аймагт 0.1-0.4- өөр бага байна. Харин 1000 хүнд ногдох нас баралтын түвшин Улаанбаатар хот болон Архангай, Булган, Өвөрхангай, Сэлэнгэ, Төв, Сүхбаатар, Хэнтий аймагт улсын дундажтай ижил түвшинд байна.
1000 хүнд ногдох ердийн цэвэр өсөлт Улаанбаатар хот болон Баян-Өлгий, Ховд, Орхон, Увс, Дархан-Уул аймагт улсын дунджаас 0.4-1.4-өөр илүү, бусад аймагт 0.1-2.3-аар бага байна. Харин 1000 хүнд ногдох ердийн цэвэр өсөлт Сүхбаатар аймагт улсын дундажтай ижил түвшинд байна.
ҮСХ