Хан-Уул дүүргийн харьяа 79 сургууль, 134 цэцэрлэгийн нийт 29,870 гаруй хүүхдийг эрүүл мэндийн урьдчилан сэргийлэх, эрт илрүүлэх үзлэгт хамруулахаар төлөвлөн ажиллаж байна.

Энэ хүрээнд дүүргийн 75 дугаар сургууль, 53 дугаар цэцэрлэгт зохион байгуулагдаж буй хүүхдийн эрүүл мэндийн урьдчилан сэргийлэх, эрт илрүүлэх үзлэгийн үйл ажиллагаа, явцыг танилцуулав. 

Үзлэгийг хүүхдийн насны онцлогт тохируулан 36 сартай хүүхэд, ерөнхий боловсролын сургуулийн 1, 6, 10 дугаар ангийн сурагчдыг хамруулан зохион байгуулж байна.

Үзлэгт хамрагдах хүүхдийн насны ангилал, үнэлэх үзүүлэлтүүд:

36 сартай хүүхэд — 7,711 хүүхэд

• Өсөлт, хөгжил

• Хэл ярианы хөгжил

• Танин мэдэхүй, хөдөлгөөн, сэтгэхүйн хөгжил

• Хөгжлийн хоцрогдол болон аутизмын хүрээний эмгэгийн эрсдэлийн үнэлгээ

6 настай хүүхэд — 8,399 хүүхэд

• Өсөлт, хөгжил

• Харааны чадвар, харааны эмгэг

• Зүрхний цахилгаан бичлэгт суурилсан үнэлгээ

11 настай хүүхэд — 8,062 хүүхэд

• Өсөлт, хөгжил

• Харааны чадвар

• Багана нурууны муруйлт, хазайлт

• Хавтгай тавхайн эрсдэлийн үнэлгээ

15 настай хүүхэд — 5,699 хүүхэд

• Өсөлт, хөгжил

• Харааны чадвар

• Багана нурууны муруйлт, хазайлт

• Өсвөр үеийн сэтгэцийн эрүүл мэндийн эрсдэлийн үнэлгээ

Хүүхдийн өсөлт, хөгжил, эрүүл мэндийн байдлыг насны онцлогт тохируулан үнэлж, болзошгүй эрсдэл, эмгэгийг эрт илрүүлэх нь цаашдын оношилгоо, эмчилгээ, тусламж үйлчилгээг цаг алдалгүй авахад чухал ач холбогдолтой.

Иймд эцэг эх, асран хамгаалагчид хүүхдээ товлосон хугацаанд нь урьдчилан сэргийлэх, эрт илрүүлэх үзлэгт идэвхтэй хамруулж, эрүүл мэндэд нь анхаарал хандуулахыг уриаллаа.