Өмнөд Солонгос улс дэлхийн хамгийн анхны агаар мандалдаа ямар ч нүүрстөрөгчийн давхар исэлгүй, эко арлыг байгуулахаар төлөвлөснөө дэлхий нийтэд зарлалаа. Одоогийн байдлаар 177 хүн амтай тус арлыг Гападо хэмээн нэрлэдэг бөгөөд эрчим хүчээ нар болон салхинаас 100 хувь гарган авах гэнэ. Ингэснээр агаар мандал дахь нүүрстөрөгчийн давхар исэлийн хэмжээг тэг түвшинд барихаар энэхүү нүсэр төлөвлөгөөг хэрэгжүүлэгчид төлөвлөжээ.
Тус арлын тэргүүн хэмээх албан тушаалтай Жин Мюун Хваны хэвлэл мэдээллийнхэнд ярьснаар Гападо арал дээр хоёр том салхины цахилгаан станцыг суурилуулаад байгаа бөгөөд цаашид нарнаас эрчим хүч авдаг 48 төхөөрөмжийг арал дээр нэмж суурилуулах аж. Арал нийт 97 амины тохилог орон сууцтай байхаар төлөвлөсөн ба эдгээр тансаг орон сууцнууд бүгд зарагдана гэдэгт Жин Мюун Хван итгэлтэй байгаагаа ярьсан байна.
Нүүрстөрөгчийн давхар исэлгүй, чөлөөт арал нь нэг талаас дэлхийд анхдагч, томоохон эко бүтээн байгуулалт боловч нөгөө талаас ашиг орлого сайтай бизнес болох нь харагдаж байна гэж Өмнөд Солонгосын хэвлэлд мэдээлжээ. Өмнөд Солонгос улс Гападо хэмээх энэхүү эко арлыг амжилттай бүтээн байгуулж чадвал цаашид аялал жуулчлал, зугаа цэнгээний хамгийн том төв болох Жежү арлын зарим хэсгийг мөн адил агаар мандалд нүүрстөрөгч ялгаруулдаггүй эко бүс болгохоор төлөвлөж байгаа юм.
Эх сурвалж: Ecowatch.com