Кристина Ноблийн Хүүхдийн Сангийн “Өсвөр насныхны хөгжлийн хөтөлбөр”-ийн суурь судалгаагаар гэмт хэрэгт холбогдоход нөлөөлж буй зарим хүчин зүйлс нь сургуулийн завсардал байсан бөгөөд хүмүүжигч хүүхдүүдийн 36.7% нь сургууль завсардсан байв. Сургууль завсардалт нь ядуурал, гэр бүлийн орчин зэрэг нөхцөл байдлуудаас шалтгаалдаг.

Энэхүү судалгааны дүгнэлт нь АНУ-ын OJJDP, Канадын Public Health Agency, Их Британийн NSPCC зэрэг байгууллагын олон улсын судалгааны үр дүнтэй нийцэж буйгаараа онцлог юм. 

Судалгааны үр дүн Монгол улсад өсвөр насныханд тэр дундаа насны онцлогт нь тохирсон, гэмт хэргээс урьдчилан сэргийлэх зорилгоор хөгжлийн хөтөлбөр, хамгаалах бодлого, хэрэгжүүлэх шаардлагатай байгааг харуулж байна.

“Багваахай” үзэсгэлэн B Contemporary Art Gallery-д үргэлжилж байна. Эрх нь хязгаарлагдсан өсвөр насныхан дотоод ертөнц, хүсэл мөрөөдлөө уран бүтээлээрээ илэрхийлж байна. Тус үзэсгэлэнд ирснээр та зөвхөн уран бүтээлийг харахгүй. Харин хүүхдүүдийн туулж ирсэн амьдралыг, дотоод мэдрэмжийг ойлгох болно. 

Үзэсгэлэн B Contemporary Art Gallery, 2025.06.06 - 2025.06.15, 11:00 - 19:00, Үзэсгэлэн үнэ төлбөргүй.

Кристина Ноблийн Хүүхдийн Сан