2018/01/17. Лхагва гараг Дугаар: #699

ТОД ТУСГАЛ

Роботуудын эрин: Нэг дрон 100 хүний хийх ажлыг нугалж байна

— Б.Түвшинбаяр   2018 оны 01 сарын 11

Өмнө нь хүмүүс бидний хийдэг байсан ажлыг орчин үед нисдэг дронууд буюу алсын удирдлагатай нисэх төхөөрөмжүүд хийж, гүйцэтгэдэг болсон нь роботуудын эрин үе эхэлж, хүмүүс ажлын байраа тэдэнд алдаж эхэлсний хамгийн энгийн жишээ болж байна. Ялангуяа дронууд интернэт худалдааны эринд жижиглэн худалдаачдын хийж чаддаггүй байсан ажлуудыг тун сайн гүйцэтгэх болжээ. Ингэж нисдэг төхөөрөмжүүдийг ажиллуулах санааг анх Америкийн онлайн худалдаа эрхлэгч компаниуд бодож олсон аж. Учир нь тэдгээр компаниуд агуулахад хураасан бараануудынхаа аюулгүй байдлыг шалгах, тоо бүртгэлд оруулж баримтжуулах зэрэгт өмнө нь их олон цагийг зарцуулдаг байсан бөгөөд энэ ажлыг хариуцсан ажилчид жирийн хүмүүс болсон юм хойно дээрх ажлуудыг хийх гэж ихээхэн хүчин чармайлт гаргадаг байж. Зарим тохиолдолд агуулахын бараа хариуцсан ажилчид өдрийнхөө хийх ёстой ажлыг дуусгаж амжилгүй ажлын цагаа дуусгах тохиолдол ч цөөнгүй гардаг байв. 

Харин одоо дронууд хүмүүсийг орлох болсноор хүний гараар өглөөнөөс орой болтол хийдэг байсан ажлыг ердөө хэдхэн цагийн дотор гүйцэтгэдэг боллоо.

“Уолмарт” зэрэг Нэгдсэн улсын томоохон худалдааны төвүүдийн агуулахад ажилчны үүрэг гүйцэтгэж байгаа нисдэг дронуудад ойрын зайнаас мэдэрдэг тусгай оптик мэдрэгчийг суулгаж өгсөн аж. Дронууд агуулахад нисэлдэн орж ирээд хураалгаастай буй хайрцагтай бараануудад ойртон очиж барааны код, нэр ус, тоо ширхэг зэргийг нэг бүрчлэн бичил мэдрэгчээ ашиглан өөрийн санах ойдоо уншуулан хадгалж авдаг байна. Энэ бол хүмүүс бидний ажлын байрыг булаасан эдгээр гайхалтай дронуудын өдөр, шөнөгүй хийдэг үндсэн ажил нь. Өдөр шөнөгүй гэхийн учир нь өмнө нь худалдааны төвүүд өдрийн ба шөнийн гэсэн хоёр ээлжийн цөөн бус ажилчдыг багагүй цалин өгч ажиллуулдаг байсан бол одоо нэг худалдааны төв ердөө хэдхэн ширхэг нисдэг төхөөрөмжийг өдөр шөнөгүй, цаг наргүй ажиллуулдаг болжээ. Мэдээж тэд хүмүүс бидэн шиг хоол унд нэхэхгүй, ядарч цуцна гэж байхгүй, бас ариун цэврийн өрөө орох гэх мэтийн элдэв шалтаг шалтгаан, нэмэлт зардал шаардахгүй. Тиймээс эдгээр дронуудыг хэдэн цагаар ч зогсолтгүй ажиллуулсан болно. Яг одоо таны уншиж байгаа түүх бол ямар нэгэн шинжлэх ухааны зөгнөлт кино биш, харин Америкийн нэгдсэн улсын томоохон худалдааны төвүүдэд жинхэнээсээ болж, өрнөж буй үйл явдал гэдгийг хэлэх хэрэгтэй.

Жижиглэн худалдааны эргэлтээрээ Америк даяар алдартай “Уолмарт”-ын орон нутаг дахь хамгийн жижигхэн салбарын бараа хураадаг агуулах гэхэд л 17 хөл бөмбөгийн талбайг нийлүүлсэнтэй тэнцдэг тул тэнд хэдий хэмжээний бараа хураалгаастай байдаг болохыг мэдэхэд төвөггүй. Ийм том талбай дахь бүх барааг кодолж, тоолж, бүртгэж авахын тулд хэчнээн ажилчин өдөр, шөнийн хоёр ээлж болж ажилладгийг ч хэлэх нь илүүц биз. Тэгвэл одоо “Уолмарт” болон бусад томоохон худалдааны төвүүд дээрх ажлын байранд нисдэг дронуудыг эхнээс нь ажиллуулаад эхэллээ. 

Тиймээс дахиад хэдэн жилийн дараа Америкийн томоохон худалдааны төвүүдээс хэчнээн хүн орон тооны цомхотголд орж, ажлын байраа нисдэг роботуудад алдахыг таамаглахад бэрх болоод байна. 

Дронууд хүнийг орлох болсон энэ үйл явдлын талаар Массачусетсийн Технологийн институтийн мэргэжилтэн Фадель Адиб “Яг одоо дронуудын хийж буй дээрх ажлын байранд  худалдааны томоохон компаниуд жилд хэдэн тэрбум долларын алдагдлыг хүний алдаатай үйл ажиллагаанаас болж алддаг байсан. Одоо тэр цаг ард хоцорч байна” хэмээн ярьжээ. Фаделийн энэ үг оргүй хоосон үг биш юм. Учир нь ажилчид хүн л юм болсон хойно алдаа гаргаснаас болж “Уолмарт” шиг томоохон дэлгүүрүүд жил бүр олон тэрбумын алдагдалтай ажилласаар ирсэн нь бодит үнэн. Бизнес эрхэлж буй ямар ч байгууллага алдагдалгүй ажиллахыг тэргүүн зорилгоо болгодог шүү дээ. Тиймээс нисдэг дронуудад худалдааны төвийн эзэд туйлын сэтгэл хангалуун байж, тэднийг цаашид хүмүүс бидний оронд олноор нь ажилд авах нь гарцаагүй билээ. Нэг дрон 100 ажилчинтай тэнцэх ажлыг нугалж байгааг ч дээрх худалдааны төвүүд аль хэдийнэ судлаад тогтоочихсон байна лээ. Тийм ээ. Хүмүүс биднийг ажилгүй, амьдралгүй болгох роботуудын эрин үе айсуй.

Эх сурвалж: bbc.com

Хуваалцах



ТУСГАЙ ЗОЧИН

Холбоотой

Бүрэн хайбрид агаарын хөлгийн эрин үе айсуй

Тансаг зэрэглэлийн автомашин үйлдвэрлэгч Роллс Ройс, нисэх онгоц үйлдвэрлэгч шилдэг компани болох Эйрбус болон Германы технологийн гигант Сиеменс хамтран хайбрид хөдөлгүүртэй нисэх онгоц бүтээх ажлыг хамтран эхлүүлсэн гэдгээ албан ёсоор зарлалаа. Дэлгэрэнгүй

— Б.Түвшинбаяр   2017 оны 12 сарын 18

27 настай Омар Бин Султаны удирдах Хиймэл оюун ухааны яам

Арабын Нэгдсэн Эмират Улс засгийн газрын бүтцээ танаж, яамдын тоог цөөлөн, төрийн зарим чиг үүргийг хувийн хэвшлийнхнээр гүйцэтгүүлнэ хэмээн өнгөрөгч хоёрдугаар сард мэдэгдэж байсан юм. Дэлгэрэнгүй

— Т.Наранцэцэг   2017 оны 12 сарын 12

Санал болгох

Улаанбаатар бол хөлдүү, царцдасан хот

Америкийн “Newsweek” сэтгүүлийн сурвалжлагч манай нийслэл хотод ирж сурвалжлага бэлдээд буцжээ. Тус сэтгүүл Улаанбаатар хотыг Азидаа төдийгүй дэлхийд хамгийн их агаарын бохирдолтой хот хэмээн цоллосон байна. Дэлгэрэнгүй

— Б.Түвшинбаяр   2018 оны 01 сарын 03

"Цөмөөхэй" амилах өдрүүд айсуй

Дэлхийн олон оронд шинэ жилийн баяраар уламжлал болон тоглогддог, 120 гаруй жилийн түүхтэй “Цөмөөхэй” бүжгэн жүжгийн тавилтыг шинэчлэн үзэгчдэд хүргэсээр энэ өвөл дөрөв дэх удаагаа толилуулах гэж байна. Дуурийн театрын тайзнаа... Дэлгэрэнгүй

— Д.Урангоо   2017 оны 12 сарын 24


Тусгалын Технологи болон дизайны түнш: Batu Digital