2018/02/21. Лхагва гараг Дугаар: #734

ОНЦЛОХ

Монголчууд дундаж наслалтаараа дэлхийд 159-т бичигдэж байна

— Б.Батцэцэг   2018 оны 02 сарын 05

2016 онд Эрүүл мэндийн хөгжлийн төвийн гаргасан статистик тайланд Монгол хүний дундаж наслалт 0.32 функтээр буурсан гэжээ. Үүнээс хойш дахин судалгаа гараагүй байна. Өндөр хөгжилтэй орнуудын ихэнхи иргэд 80 насыг өлхөн давдаг байхад бидний дийлэнхи маань 65-75 насалдаг ба хамгийн сүүлийн судалгаагаар бүр буурсан үзүүлэлт гарчээ. Бид зохистой хөдөлгөөн, хоололтыг эрхэмлэж хорт зуршлуудаа таягдан хаяхгүй бол дэлхийн анагаах ухаан хэдий хөгжлөө ч бид эрүүл урт наслах тухай ярилтгүй нь...

 Дэлхийн хүн амын дундаж наслалт 1950 оноос хойш 1990-ээд оныг эс тооцвол арван жил тутамд3-аас дээш жилээр нэмэгджээ.

1990-ээд оны үед Африкийн орнуудад ХДХВ-ийн тархалт өндөр байсан, хуучин ЗХУ-ын задралын үе болон Европын орнуудад нас баралтын түвшин өндөр байсантай холбоотой дундаж наслалтын зогсолтын үе гэгддэг.  Дэлхийн ихэнх бүс нутгуудад 2000 оноос эхлэн хүн амын дундаж наслалт нэмэгдсэн ба өөрөөр хэлбэл 2000-2015 оны хооронд таван жилээр, ДЭМБ-ын мэдээллээр  Африкийн бүснутагт  9.4 жилээр тус тус нэмэгдсэн хандлага ажиглагдсан байна. Энэхүү үзүүлэлт нь дэлхийн  хүн амын төрөлтөөс тооцсон дундаж наслалтын өнгөрсөн зууны туршид гарсан үзүүлэлтийн хамгийн сайн өсөлт буюу дундаж түвшинг давсан үзүүлэлт байсан байна.

Хүн амын дундаж наслалт нь хамгийн өндөр дэлхийн арван улсыг наслалтын тоотой нь танилцуулж байна. 

1.      Монако - 89.42

2.      Япон - 85.26 

3.      Сингапур -  85.21 

4.      Макао - 84.55 

5.      Сан-Марино - 83.34 

6.      Андора - 82.85 

7.      Жерсей - 82.61 

8.      Хонконг -82.52 

9.      Австрали - 82.31 

10.    Итали - 82.28 

Энэхүү үзүүлэлтнь 2016 оны үзүүлэлт бөгөөд манай улсын хувьд төрөлтөөс тооцсон дундажнаслалт 69.57 болсон нь өмнөх оноос 0.32 функтээр буурсныг илэрхийлж байгаа ба эмэгтэйчүүдийн дундаж наслалт 75.10, эрэгтэйчүүдийнх 65.58 болсон байна. Дундаж наслалтын хувьд хүйсийн ялгаа аль ч улс оронд байдаг ба эмэгтэйчүүд эрэгтэйчүүдээс дунджаар 4 насаар илүү амьдардаг. Манай улсын хувьд эмэгтэйчүүдийн дундаж наслалт эрэгтэйчүүдийнхээс 9.52 жилээр илүү байгаа юм. Дундаж наслалтын энэхүү үзүүлэлтээрээ бид дэлхийн улс орнуудаас 159 –р байрт бичигдэж байна.

2016 оны байдлаар гаргасан энэхүү дундаж наслалт аймаг, бүсүүдээр ялгаатай байгаа ба Хангайн бүсийн хүн амын дундаж наслалт хамгийн бага буюу 69.61, Төвийн бүсийнхүн амын дундаж наслалт 71.45 байгаа нь хамгийн өндөрт тооцогдож байгаа юм. Аймгуудаар харуулбал Хөвсгөл /65.79/, Увс /68.82/, Дорнод /68.41/, Дархан-Уул /68.51/, Говь-Алтай /68.84/, Баянхонгор /68.89/, Завхан /69.19/ байгаа эдгээр аймгуудын хүн амын дундаж наслалт улсын дундаж үзүүлэлтээс доогуур байна.

Хуваалцах



ТУСГАЙ ЗОЧИН

Холбоотой

Элэг шилжүүлэн суулгах хагалгааг 60-70 хүн тогтмол хүлээдэг

ХСҮТ–д элэг шилжүүлэн суулгах хагалгааг хийдэг болсноор элэгний хүнд хэлбэрийн өвчтэй иргэддээ амьдрах, өвчнөө даван туулах итгэл найдварыг бэлэглэлээ.ХСҮТ–ийн эмч нар, БНСУ–ын  Самсунг эмнэлэгийн эмч нартай хамтран амьд... Дэлгэрэнгүй

— Б.Батцэцэг   2018 оны 01 сарын 29

Улаанбаатар бол хөлдүү, царцдасан хот

Америкийн “Newsweek” сэтгүүлийн сурвалжлагч манай нийслэл хотод ирж сурвалжлага бэлдээд буцжээ. Тус сэтгүүл Улаанбаатар хотыг Азидаа төдийгүй дэлхийд хамгийн их агаарын бохирдолтой хот хэмээн цоллосон байна. Дэлгэрэнгүй

— Б.Түвшинбаяр   2018 оны 01 сарын 03

Санал болгох

“Охидын аюулгүйн сүлжээ” –г охиддоо заавал тайлбарлаж өгөөрэй

Сүүлийн үед охидын хүчирхийллийн мэдээ сэтгэл сэрдхийлгэм сонсогдох боллоо. Энэ аюул ойр дотны хүрээнд ихэвчлэн үйлдэгддэг нь тогтоогдсон. Дэлгэрэнгүй

— Б.Батцэцэг   2018 оны 02 сарын 05

Д.Сарангэрэл сайдын зөвлөхүүдийн зөвлөлтэй танилцана уу?

Монгол улсын засгийн газрын тухай хууль болон бусад холбогдох журмыг үндэслэн Эрүүл мэндийн сайд Д.Сарангэрэл зөвлөхүүдийн зөвлөлөө шинээр томилов. Дэлгэрэнгүй

— Б.Батцэцэг   2018 оны 02 сарын 05


Тусгалын Технологи болон дизайны түнш: Batu Digital