2018/01/17. Лхагва гараг Дугаар: #699

СЭТГЭЛИЙН ДАРХЛАА

Хүүхэд залуусын видео тоглоомын эмгэг хэрэглээ

— Х.Мөнхзул   2017 оны 12 сарын 19

Хүүхэд залуусын дунд түгээмэл болсон видео тоглоомын эмгэг хэрэглээний 2 жилийн урт хугацааны судалгааг боловсруулсан клиник сэтгэл зүйч Х.Мөнхзулын нийтлэлээс  онцлох мэдээллийг тоймлон хүргэж байна.

  • Судлаачид видео тоглоомын эмгэг хэрэглээний агуулгыг шинжлэх ухааны үүднээс судалж эхэлсэн ба гол төлөв үүнийг “видео тоглоомын донтолт” гэдэг. Ихэнхи судлаачид үүнийг мөрийтэй тоглоомтой адил эмгэг гэж үзсэн байдаг.
  • Тоглоомын үед анхаарал хэт төвлөрөх бөгөөд энэ нь өөрийн хяналтанд байгаа мэт мэдрэмж нэмэгдэж, цаг хугацаа, орон зайн мэдрэмжээ алдаж, тоглоомыг урамтай, сонирхолтой гэж ойлгодог.
  • Тоглох нь эхэндээ эмгэг шинжтэй байдаггүй боловч зарим хүмүүсийн хувьд нийгэмд, ажил мэргэжил, хичээл сургууль болон гэр бүлд сөрөг нөлөө үзүүлж, сэтгэл зүйн хувьд хэвийн үйл ажиллагаа явуулж чадахгүйд хүрснээр эмгэг болдог.
  • Видео тоглоомын эмгэгт хүрэх маш олон нөхцөл шалтгаан байдгаас гэр бүлийн харилцааны таагүй уур амьсгал, аав ээж нь хүүхэддээ анхаарал тавьдаг ч хол байдаг, хүүхэдтэйгээ сонирхдог зүйлийнх нь талаар ярилцаж цаг гаргадаггүй зэрэг байдлууд түгээмэл ажиглагддаг.
  • Донтолтын талаарх судалгаанууд нь өөр өөр соёлын хүн ам оролцуулж, өөр өөр хэмжүүрээр хийгдсэн байдаг ч маш олон судалгаагаар “эмгэг” гэдэг ангилалд ордог.
  • Судалгаанд үндэслэснээр дийлэнхи эмгэг тоглоомчид (84%) нь хоёр жилийн дараа ч мөн адил эмгэг тоглоомчин хэвээрээ байсан.
  • Хөөрөл давамгайлсан, нийгэмд өрсөлдөх чадвар болон сэтгэл хөдлөлөө удирдах чадвар султай залуучууд  тоглох эмгэгтэй  болох илүү  эрсдэл өндөртэй  байна.
  • Тоглох эмгэгтэй  болсон залуус нь эхлээд долоо хоногт дунджаар 31 цаг тоглодог байсан бол тоглох эмгэгтэй  болоогүй залуус  түүнтэй харьцуулахад долоо хоногт 19 цаг тоглодог байсан байна. Компьютер тоглоомын төв рүү олон давтамжтайгаар явах нь мөн эрсдэлт хүчин зүйл болж байсан байна.
  • Нэгэнд тоглох эмгэгтэй  болсон бол хүүхдийн сурлага муудаж, гэр бүлийнхэнтэйгээ таарамжгүй харилцаатай болж, илүү харгис ширүүн тоглоом тоглох болсон байна. Ийм хүнд хэлбэрийн тоглоом тоголж эхэлж байгаа хүүхдүүд түрэмгий зан үйлд холбогдох хандлага илүү нэмэгдэж байсан.
  • Хүүхдүүд депресстэй, эсвэл түгшүүртэй байсны улмаас түүнийг давж гарах стратеги хэлбэрээр тоглоомыг үздэг учраас тоглож эхэлдэг гэж үздэг. Тоглох эмгэг хүндрэх тусам депресс, түгшүүр, нийгмийн айдас, сурлагын муу дүнг нэмэгдүүлдэг байна.

Хуваалцах



ТУСГАЙ ЗОЧИН

Холбоотой

Америкт сургуулийн сэтгэл зүйч хэрхэн ажилладаг вэ?

Ерөнхий боловсролын сургуулиудад сэтгэл зүйч ажиллуулах цаашлаад сэтгэл зүйн цогц үйл ажиллаагаа явуулдаг алба бий болгох хэрэгцээ шаардлага сүүлийн үед монгол улсын хэмжээнд тулгараад байгаа билээ. Үүний тулд бусад орнуудын туршлага бидэнд нэн чухал. Дэлгэрэнгүй

— Б.Номин   өчигдөр

Сэтгэл гэдэг эрхтэн өвдөхөөрөө биеийг өвчлүүлж эхэлдэг

Сэтгэл зүйн шинжлэх ухаанд оношилгоонд суурилсан арга зүйг нэвтрүүлсэн гэдгээрээ Монголдоо анхдагч байгууллага болох Хэрэглээний Сэтгэл Судлалын Хүрээлэнтэй бид ”Сэтгэлийн дархлаа” буландаа хамтран ажиллах болсноо уншигч танд... Дэлгэрэнгүй

— Д.Урангоо   2017 оны 10 сарын 27

Санал болгох

Улаанбаатар бол хөлдүү, царцдасан хот

Америкийн “Newsweek” сэтгүүлийн сурвалжлагч манай нийслэл хотод ирж сурвалжлага бэлдээд буцжээ. Тус сэтгүүл Улаанбаатар хотыг Азидаа төдийгүй дэлхийд хамгийн их агаарын бохирдолтой хот хэмээн цоллосон байна. Дэлгэрэнгүй

— Б.Түвшинбаяр   2018 оны 01 сарын 03

"Цөмөөхэй" амилах өдрүүд айсуй

Дэлхийн олон оронд шинэ жилийн баяраар уламжлал болон тоглогддог, 120 гаруй жилийн түүхтэй “Цөмөөхэй” бүжгэн жүжгийн тавилтыг шинэчлэн үзэгчдэд хүргэсээр энэ өвөл дөрөв дэх удаагаа толилуулах гэж байна. Дуурийн театрын тайзнаа... Дэлгэрэнгүй

— Д.Урангоо   2017 оны 12 сарын 24


Тусгалын Технологи болон дизайны түнш: Batu Digital